سماجی انصاف کا نقشہ اور ڈاکٹر اللہ نظرکی حقیقت پسندی

آج ہم جو مسافت طے کر رہے ہیں ہمارے ذہنوں میں کامل انصاف کیلئے ایک نقشہ ہونا چاہیے۔ اگرچہ ہم نہ رہیں لیکن نقشہ ہونا چاہیے‘‘۔ ڈاکٹر اللہ نظر کی حالیہ لیکچر میں مزکورہ باتیں قابل غور ہیں۔ اور بہت اھمیت رکھتے ہیں۔ 

ویسے تو ڈاکٹرصاحب طالب علمی کے زمانے سے سیاسی طور پر تحریک سے وابستہ رہے ہیں، 1999 میں سنگت حیربیارمری کی شروع کردہ مزاحمتی تحریک میں ڈاکٹر اللہ نظرنے عملی طور غالبا ً 2004 میں شمولیت اختیار کی لیکن ایک الگ پلیٹ فارم سے۔ اب ایک بہت طویل مدت گزرچکی ہے اور مزحمت بھی بڑی شدت سے جاری ہے، لیکن ڈاکٹر صاحب کی فلیٹ فارم کی طرف سے ابتک مزکورہ انصاف کیلئے نقشہ سامنے نہیں آیا! یعنی عام عوام کوتحریری طورپریہ لکھ کرنہیں دیاگیا کہ آپ جو قربانیاں تحریک آزادی کیلئے دے رہے ہو، ان کا ثمر ایک عمرانی معاہدہ یا میثاق کی شکل میں ملے گا جس سے ‘‘سماجی انصاف‘‘ کو یقینی بنایا جاےگا! اس کی وجہ شاید الگ پلیٹ فارم پر کام کرنے کی اپروچ ہو، جہاں ترجیحات مختلف ہوسکتے ہیں جس سے پالسیوں میں ہم آھنگی لانے کیلئے بہت وقت درکاہوجاتی ہے۔

فی زمانہ جدید ریاستی تنظیم کے ساخت میں سماجی انصاف یعنی Social Justice کو بنیادی اولیت دی گئی ہے۔ سماجی انصاف کا تصورتقریبا تمام ترقی یافتہ اقوام میں یکساں ہے۔ سماجی انصاف کو یقینی بنانے کیلے اگر موجودہ تمام آزادی پسند قوتیں ایک متفقہ عمرانی معاہد و میثاق کا اگر ایک نقشہ و چارٹردیں تو بعد از آزادی انصاف کا فراہمی یقینی ہوجائےگا ۔۔

آرچن بلوچ

کھلا خط بی این ایم اور بی ایس او کی قیادتوں کے نام

نہ چاہتے ہوے بھی یہ بات کہے بغیربھی رہا نہیں جاسکتا کہ جب سے جنگ آزادی شروع ہوچکی ہے اس وقت سے تمام آزادی پسند پارٹیاں بلوچستان کی قومی جھنڈا ہرمحاذ پر، جنگ کی میدان سے لیکر بلوچستان میں سکولوں پر، گلیوں میں، جلسہ جلوسوں میں، یا شہدا کی قبروں پر، پہاڑوں کے چھوٹیوں پر استعمال ہوتا آرہاہے۔۔ لیکن میں دیکھ رہاہوں کہ گزشتہ کچھ مہینوں سے آپ کی یورپی امریکی اور کنیڈین نمائندے احتجاجی جلسہ جلوسوں میں قومی جھنڈے کے بجائے اپنی اپنی پارٹیوں کے جھنڈوں کو استعمال کررہےہیں!

اب ہمیں اس کی وجہ بتایا جائے کہ احتجاجی جلسہ جلوسوں میں قومی جھنڈے کا استعمال کرنا آپ لوگوں نے کیوں ترک کردیا ہے؟